Madasha Mucaaradka oo aan ka falcelin go’aanka XFS ay ku ceyrisay Imaaraatka

Xubnaha Mucaaradka ah ee ku midoobay Madasha Samatabixinta Soomaaliya ayaa ka gaabsan ka falcelinta Go’aanka Xukuumadda Federaalka ee ka dhanka ah Isutagga Imaaraatka Carabta ee dalka looga eryay laguna joojiyay heshiisyadii horay ay ula gashay.

Dadka ka falceliyay ee mucaaradka ah kana madaxbannaan madasha Samatabixinta waxaa kamid ah Madaxweynihii 9aad ee Soomaaliya Maxamed Cabdullaahi Farmaajo, balse xubnahaas kale ee mucaaradsan Dowladda Federaalka kama aysan hadlin.

Hadal hayn badan ayaa ka dhalatay go’aankooda aamusnaanta ah ee xubnahaan Golaha Samatabixinta maadaama aanay aragtidooda dhinacna u dhicin waa haddii ay diidan yihiin iyo haddii ay raacsan yihiin.

Xubnaha aamusan ee aan ka falcelin go’aankaas waxa ay kala yihiin Shariif Sheekh Axmed, Maxamed Xuseen Rooble, Xasan Cali Khayre, Cabdi Faarax Shirdoon Saacid, Cabdiraxmaan Cabdishakuur Warsame iyo xubno kale.

Haddaba, maxay ka dhigan tahay aamusnaanta mucaaradka ee la xiriirta go’aanka Dowladda Federaalka ee ka dhanka ah Isutagga Imaaraatka Carabta? Waa su’aal hortaalla oo laga sugayo jawaabta ay ka bixiyaan

Mustaqbal