MM Staff 
Dowladda Shiinaha ayaa u digtay Hoggaamiyaha Maamulka Waqooyi Galbeed, Cabdiraxmaan Maxamed Cabdullaahi Cirro oo faragelin ku haya Dalkiisa kaddib markii uu sheegay hadal uu ku garab istaagayo Taiwan oo qayb ka ah dhul weynaha Shiinaha.
War kasoo baxay Safaaradda Shiinaha ee Magaalada Muqdisho ayaa lagu sheegay in waraysigii uu Cabdiraxmaan Cirro uga hadlay arrinta Taiwan ay uga digayaan sidaas awgeed haddii uu ka waantoobi waayo ay qaadi doonnaan tallaab ka dhan ah.
Safaaradda ayaa sheegtay in Maamulka Waqooyi Galbeed ee Cabdiraxmaan Cirro u aqoonsan tahay in uu yahay qayb kamid ah Jamhuuriyadda Federaalka Soomaaliya, sidaas oo kalena Taiwan ay tahay qayb kamid ah dhulka Shiinaha.
Xukuumadda Beijing ayaa horay digniin ugu dirtay maamulka Waqooyi Galbeed iyo Taiwan iyada oo sheegtay in tallaabooyinka ay qaadayaan kahor imaanayaan axdiga Qaramada Midoobay iyo dasaatiirta Shiinaha iyo Soomaaliya.
Mustaqbal