MM Staff 
Ciidanka Hay’adda Sirdoonka iyo Nabadsugidda Qaranka Soomaaliyeed ee NISA ayaa Magaalada Muqdisho ka sameeyay howlgallo ay sheegeen in ay kusoo qabteen shabakad katirsan AS oo ka kooban 11 qof kuwaas oo abaabulayay falal xasiloonida ka dhan ah.
War kasoo baxay Hay’adda NISA ayaa lagu sheegay in howlgalkaan uu ka dhacay degmooyin katirsan Gobollada Banaadir iyo Shabelaaha Hoose gaar ahaan Daarusalaam, Garasbaaley, Kaxda, Dayniile iyo Afgooye sida hadalka loo dhigay.
NISA ayaa intaas ku dartay in Ragga ay soo qabatay ay lasoo qabatay Gaadiid sida Mootooyin iyo Hub oo ay u adeegsan rabaan falalka ka dhanka ah Xasiloonida waa sida lagu yiri bayaanka kasoo baxay hay’adda Sirdoonka Qaranka.
Inkasta oo Magaalada Muqdisho ay xasiloon tahay haddana waxaa jira howlgallo ay si joogta ah u sameeyaan Ciidamada Ammaanka Dowladda Federaalka kuwaas oo ay dhowr oo horay u sheegay in ay kusoo qabteen xubno katirsan AS
Mustaqbal