MW Suuriya oo shaaca ka qaaday in ay heshiis dhinaca Amniga ah la gaari doonaan Israa’iil.
Web master 
Shaqaalaha Soomaalida ah ee ka shaqeeya Xerada ugu weyn Howlgalka AMISOM ee Soomaaliya ayaan maanta shaqo gelin kaddib markii loo diiday in ay xeradaasi galaan.
Qaar ka mid ah Shaqaalaha ayaa la arkayay iyaga oo tuban Banaanka hore ee Iridda laga galo Xerada Xalane halkaas oo loo sheegay in aysan geleynin xerada gudaheeda.
Warar xog ogaal ah oo ay heshay Idaacadda Mustaqbal ayaa sheegaya in arrintan ay ka dhalatay digniin dhinaca amaanka ah oo dhawaan loo diray shaqaalaha Qaramada Midoobey ee ka howlgala Muqdisho.
Waxaana Maanta lagu wargeliyay Shaqaalaha Soomaalida ah ee halkaasi ka shaqeeya in aysan shaqo galayn.
Todobaadkii hore Hay’adaha Qaramada Midoobey ee Muqdisho ayaa soo saaray farriin dhinaca amaanka ah oo ay ku sheegeen in Muqdisho ay ku jiraan Gawaari ay ka buuxaan Wlaxaha qarxa kuwaas oo lala beegsanayo dadka Ajanabiga ah, Xarumaha dowladda Soomaaliya iyo meelaha dadku ku badanyahay.