Mustaqbal media 
Madaxweynayaasha Maamul Goboleedyada Hirshabeelle iyo Koofur Galbeed ayaa ka qeybgalay munaasibadda dhagax dhigga dhismaha Waddada isku xirta Muqdisho iyo Afgooye iyo Muqdisho iyo Jowhar.
Munaasibadda ayaa waxaa sidoo kale ka qeybgelay Ra’isalwasaaraha Soomaaliya Xasan Cali Kheyre oo isagu dhagax dhigay waddooyinkaasi.
Dhismaha labada Waddo waxaa maalgelineysa Dowladda Qadar oo horay u ballanqaadday, waxaana maanta la billaabayaa dhismaha Waddooyinkaas isku xira Muqdisho iyo Jowhar iyo Muqdisho iyo Afgooye.
Waddooyinkan waxaa horay qiimeyn ugu sameeyay Injineerro u dhashay Dalka Qadar oo yimid Muqdisho.