MM Staff 
War kasoo baxay Booliiska gaarka u tababaran ee Haramcad ayaa lagu sheegay in howlgal ka dhacay Degmada Kaxda ee Gobolka Banaadir uga hortageen weerar ‘AS’ u adeegsan rabtay Hoobiyeyaal oo lagu beegsan rabay qaybo kamid ah Magaalada Muqdisho sida hadalka loo dhigay.
Howlgalkaan waxa uu ka dhacay inta u dhaxeysa Qabuuraha Kaxda iyo Deegaanka Maracade ee jiho ahaan uga beegan dhinaca Koofureed ee Degmadaas sida lagu sheegay warka kasoo baxay Booliiska Gaarka u tababaran ee Haramcad.
Wararka soo baxaya ayaa sheegaya in iska hor imaad uu dhexmaray Ciidamada Booliiska gaarka ah ee Haramcad iyo xubno katirsan ‘AS’ ee fulinayay weerarkaas, si dhab ah looma ogaan khasaaraha ka dhashay dagaalkaas.
Dowladda Federaalka Soomaaliya ayaa kordhisay ciidamada howlgallada kawada Gudaha Magaalada Muqdisho iyo daafaheeda, waxa ay marar kala duwan soo bandhigtay natiijada kasoo baxday howlgalladaas.
Mustaqbal