DFS ayaa shaacisay in ay fududeynayso wada hadallo ay yeeshaan Maamulada Waqooyi Galbeed iyo Waqooyi Bari

Xukumadda Federaalka Soomaaliya ayaa shaacisay in ay dhiirigalineyso wada hadallo ay yeeshaan Maamulada Waqooyi Bari iyo Waqooyi Galbeed, si ay isku dhaafsadaan Maxaabiista.

Ra’iisul wasaaraha Xukumadda Federaalka Soomaaliya, Xamse Cabdi Barre ayaa ugu baaqay Madaxda Waqooyi Galbeed in ay aqbalaan xaqiiqada iyo dowlad goboleedka laga aas aasey magaalada Laascaanood ee Waqooyi Bari.

Sidoo kale, Ra’iisul wasaaraha ayaa adkeeyay in dowladda Federaalka fududeyn doonto sidii ay nabad ugu wada noolaan lahaayeen Maamulada dariska ah ee Waqooyi Bari iyo Waqooyi Galbeed.

Dhinaca Ra’iisul wasaaraha ayaa si gaar ah ula dardaarmay Madaxda Dhaqanka ee kala deggan labada maamul, isagoo ku baaqay in ay qaataan doorkooda hooggaamineed.

Hadalka ka soo yeeray Ra’iisul wasaaraha ayaa ku soo aadaya xilli sannadkii koowaad uu jirsaday Dowlad goboleedka Waqooyi Bari oo kamid ah maamulada ay aqoonsantahay Dowladda Federaalka, isla markaas aas aaskiisa soo billaawday sannadkii 2023.

Muddo dheer waxaa soo socday dadaallo lagu wada hadashiinayo Mas’uuliyiinta Maamulada Waqooyi Galbeed iyo Waqooyi Bari oo dagaalo dhexmaray ku kala qabsaday Maxaabiis.

Mustaqbal