Soomaaliya iyo Masar oo ka wada hadlay arrimaha amniga

Wasiirka Gaashaandhiga Xukuumadda Federaalka Soomaaliya, Axmed Macallin Fiqi, ayaa maanta kulan gaar ah la yeeshay Danjiraha cusub ee Dowladda Masar u fadhiya Soomaaliya, Maxamed Salaax Keshtah.

Kulanka ayaa waxaa goobjoog ka ahaa Taliyaha Ciidanka Xoogga Dalka, Sareeye Gaas Odawaa Yuusuf Raage.

Intii uu kulanku socday, labada dhinac waxay ka wada hadleen xoojinta iskaashiga militeriga ee Soomaaliya iyo Masar, kor u qaadista xiriirka istiraatiijiga ah, iyo fursadaha lagu ballaarin karo wada-shaqeynta dhinacyada amniga iyo danaha guud ee labada dal.

Masar iyo Soomaaliya ayaa sanadihii u dambeeyay kordhiyay wada-hawlgalka amniga, iyadoo dalka ay dhawaan imaan doonaan ciidanka dalkaasi oo qeyb ka noqon doona Howlgalka AUSSOM.

Mustaqbal