Sawirro: Weerarrada Sri Lanka iyo khasaaraha oo kordhay.

Ugu yaraan 160 qof ayaa ku dhintay halka dad ka badan 400 qof ay ku dhaawacmeen weerarro isku xiran oo saaka ka dhacay magaalooyin kala duwan oo ku yaalla Dalka Sri Lanka.

Goobaha la weeraray ayaa kala ah saddex Kaniisadood iyo saddex Hoteel, Kaniisadaha waxaa ay ku kala yaallaan meelo kala duwan hayeeshee Hoteellada ayaa ku yaalla Caasimadda Colombo,waxaana ku dhintay daraasiin dad ah.

Ciidamada dowladda ayaa gurmad u fidiyay meelaha ugu badan ee ay waxyeellada ka dhaceen halka kooxaha gurmadka ay ku howllanyihiin daad guryenta dhibbanayaasha.

Madaxa Booliska Sri Lanka ayaa sheegay in 10 maalmood ka hor sirdoon Ajannabi ah uu u sheegay in weerarro laga qorsheynayo gudaha dalka Sri Lanka,waxaana qorsheynayay Kooxda National Tawxiid Jamaaca ee Muslimiinta ah oo gudaha dalkaas ka dagaallama.

70% Dadka dalka Sri Lanka waa Budhist, 12% waa Hindu halka 105 ay Muslimiin yihiin,waxaa kale oo jira Kiristaanka oo 7% ah.

Dowladda Hindiya ayaa ilaa hadda sheegtay in ay garabtaagan tahay Dalka Srilanka iyada oo sheegtay in dhibaatada ay la wadaageyso dadka dalkaasi.

Dowladda Sri lanka waxaa ay xaqiijisay in dadka ilaa hadda dhintay ay ku jiraan 35 Qof oo Ajannabi ah kuwaas oo aysan sheegin dalalka ay u kala dhasheen.