Maxkamadda Gobolka Mudug oo dil toogasho ah ku fulisay Hodan Maxamuud Diiriye oo horay dil u gaysatay

Magaalada Gaalkacyo xarunta Gobolka Mudug waxaa saaka lagu toogtay Hodan Maxamuud Diiriye oo horay maxkamad ku xuntay dil toogasho ah kaddib markii lagu helay in ay dishay Saabiriin Cabdulle Saylaan oo ahayd Gabar gurigeeda ku noolayd.

Maxkamadda Gobolka Mudug ayaa saacadihii lasoo dhaafay waxa ay soosaartay wargelin ku saabsan fulinta xukunkaan oo ugu danbayn saaka la toogtay Hodan Maxamuud Diiriye oo noqotay Haweeneydii ugu horreysay ogaalka xukunkaan lagu fuliyo.

Marxuumad Hodan waxa ay ahayd Hooyo dhashay Carruur lagu sheegay 13, markii xukunka lagu riday waxa ay horay u sheegtay in ay aqbashay xukunkaas diyaarna u tahay in lagu qaado wixii shareecada Islaamka ay ka qabto falka ay gaysatay.

Mustaqbal