Magacyada Dhallinyaro Somali ah oo argagixisanimo loogu qabtay sohdinta Mareykanka iyo Mexico

Dowladda Mareykanka ayaa soo saartay liis dheer oo ay ku qoranyihiin 15 Xubnood oo ay ku sheegtay in ay ka kala tirsanyihiin Ururrada Daalibaan, Al-shabaab, Daacish iyo Xisbullah.

15kan qof ayaa gacanta lagu dhigay intii u dhaxeysay 2001dii ilaa 2018ka,waxaana ay dowladda Mareykanka ku sheegtay in ay yihiin xubno Ururrada Argagixisada ay u dirsadeen Mareykanka.

Waxaa ku jira tiro Soomaali ah waxaana ka mid ah;

1-Cabdulahi Shariif, Somalia, lagu xiray  Alberta, Canada, September 2017,  ka tirsan Daacish.

2-Ibrahim Qoordheere, Somalia, lagu xiray  Costa Rica, March 2017,ka tirsan al-Shabaab

3-Abdullahi Cumar Fidse, Somalia, lagu xiray Sohdinta  Mexico-Texas , June 2008, ka tirsan Al-shabab

4-Maxamed Axmad Dhakane, Somalia, lagu xiray sohdinta  Mexico-Texas , October 2008, ka tirsan Al Itixaad Al Islaami .

5-Qof aan la magacaabin u dhashay Somalia , lagu xiray sohdinta  Texas-Mexico, June 2014, ka tirsan  al-Shabaab.

6- Qof aan la magacaabin, u dhashay Somalia, lagu xiray sohdint Mexico-California, May 2011, ka tirsan Al-shabab, Aabbihiis, Hooyadiis iyo Afar Carruur ah oo la dhalatay ayaa sidoo kale ku jira liiska Argagixisada isha lagu hayo.

Waxaa kale oo sidan oo kale lagu qabtay Sohdinta Mareykanka iyo Mexico 9  Qof oo kale oo u kala dhashay Dalalka Afghanistan,Lebanan, Pakistan, Sri Lankan iyo Bangladesh.

Madaxweynaha Mareykanka Donald Trump, ayaa horay u sheegay in dadka ka soo gudbaya Sohdinta Mexico ay ku jiraan Dad ka soo jeeda Bariga Dhexe iyo Afrika,kuwaas oo iska dhigaya soo galooti laakiin u diiwaangeshan Ururrada Argagixisada ah.