Mustaqbal media 
Maareeyaha Garoonka Diyaaradaha Magaalada Jowhar ee Caasimadda Maamulka Hirshabeelle Ibraahim Maxamed Cali ayaa xalay xaaskiisa ku dilay magaaladaas.
Haweeneyda Geeriyootay ayaa lagu magacaabayay Jamiilo Sheekh Cali,waxaana ay ahayd 32 jir Uur lahayd.
Dilka ayaa ka dhacay Xaafadda Hantiwadaag ee Magaalada Jowhar,waxaana dilka kaddib uu Maareeyuhu isudhiibay Booliiska, iyada oo Booliiska Jowhar xiray maareeye Ibraahim Maxamed Cali.
Madax katirsan Hirshabeelle oo ay saaxiibbo yihiin Ibraahim ayaa u sheegay Mustaqbal in dilka Jamiilo Sheekh Cali uu yimid kaddib muran kadhashay guurka xaas labaad oo uu dhisay maareeyuhu.
Ibraahim Maxamed Cali ayaa ka baxay jaamacadda Soomaaliya ee magaalada Muqdisho, waxaana dadka yaqaan Ibraahim ay u sheegeen Mustaqbal in uu ahaa nin deggan oo xilkas ah.
Mustaqbal Radio