Baarlamaanka Waqooyi Bari oo ansixiyay qaraar ka dhan ah Maamulka Waqooyi Galbeed
MM Editor 
Ciidamada Dowladda DFS gaar ahaan qaybta 21-aad & Al-Shabaab ayaa maanta ku dagaalamay deegaanka Cada-xaar oo dhanka Waqooyiga uga beegan Deegaanka Bulacle ee Gobolka Galgaduud.
Dagaalka ayaa sababay Dhimasho & Dhaawac soo kala gaaray Ciidamada Dowladda Federaalka iyo Al-Shabaab, waxaana la maqlayay qoryaha waaweyn ee lagu xiro Gawaarida, kuwa Garbaha laga rido & hubka fud-fudud.
Saraakiil katirsan Qaybta 21-aad Ciidamada Xoogga Dalka ayaa sheegay in ay dileen xubno katirsan Al-Shabaab, kadib markii ay ku baxeen Cabasho kasoo gaartay deegaanka Cada-xaar oo iska hor imaadka xooggiisa uu ka dhacay.
Wasiirka Warfaafinta DG Galmudug Axmed Shire Falagle ayaa sheegay in howlgalka ka dhanka ah Al-Shabaab uu kasii socon doono Gobolka Galgaduud, isaga oo ku hanjabay in ka qabsan doonaan meelaha ay joogaan.
Deegaannada Jihada Bari ka xiga Magaalada Dhuusamareeb waxaa ku xooggan Al-Shabaab, halka saraakiisha qaybta 21-aad ee Militariga Soomaaliya ay sheegeen in ay duulaan ku yihiin deegaannadaas.
La soco wixii warar kasoo kordha.
Mustaqbal.