Ciidanka dowladda oo howlgallo ka wada deegaannada hoos yimaada Masaajid Cali Gaduud

Ciidanka Dowladda ayaa saacadihii la soo dhaafay howlgallo ka sameeyay deegaannada hoos yimaada magaalada Masaajid Cali Gaduud ee gobolka Shabeellada Dhexe.

Howlgalladan oo ka dhanka ah AS, ayaa waxaa ciidanka ku wehliya saraakiil sare oo ka tirsan Ciidanka Xoogga, sida Taliyaha Ciidanka Dhulka Xoogga Dalka Soomaaliyeed, Jeneraal Sahal Cabdullaahi Cumar.

Taliyaha ayaa warbixino ka dhageystay ciidanka wada howlgallada ka dhanka ah AS, gaar ahaan kuwa ka socda gobolka Shabeellada Dhexe.

Jeneraal Sahal ayaa caddeeyay in ay sii wadi doonaan howlgallada ka dhanka ah AS ee ka socda gobolka Shabeellada Dhexe, isaga oo shacabka ugu baaqay in ay garab siiyaan ciidanka xoogga iyo dadka deegaanka.

Dhawaan ayay aheyd markii ciidanka Xoogga oo kaashanaya dadka deegaanka ay si rasmi ah ula wareegeen magaalada Masaajid Cali Gaduud ee gobolka Shabeellada Dhexe.

Mustaqbal