Ciidamada dowladda iyo Al-shabab oo ku dagaallamay Deynuunaay

Inta la xaqiijiyay 11 qof oo dhinacyada dagaallamay ah ayaa ku dhintay halka tiro intaas ka badanna ay ku dhaawacmeen kaddib dagaal dhexmaray Ciidamada AL-shabaab iyo kuwa Maamulka Koofur Galbeed oo saldhig ku leh degaanka Deynuunay oo dhowr KM u jirta Magaalada Baydhaba.

Sarkaal ka tirsan Maamulka Koofur Galbeed Soomaaliya ayaa sheegay in weerar Gaadmo ah ay kala kulmeen Al-shabaab halkaasna uga dhinteen 6 Askari halka 7 kale ay uga dhaawacmeen.

Dhinaca Al-shabaab ayuu sheegay in shan ka mid ah ay halkaas uga dileen islamarkaana degaankii lagu dagaallamay ay hadda gacanta ku hayaan Ciidanka Maamulka Koofur Galbeed Soomaaliya.

Al-shabaab ayaa dhowr jeer Saldhigga Deynuunaay dagaal uga qabsaday Ciidamada Maamulka Koofur Galbeed ee halkaa deggan.