Chelsea oo heshiis cusub uso bandhigtay N’Golo Kante.

Kooxda Chelsea ayaa lagu soo waramayaa inay u soo bandhigtay N’Golo Kante isbuucii wuxuu qaadan doonaa£ 290,000.

Heshiiska Kante ee Chelsea ayaa sii jiridoona 2021, laakiin ciyaaryahanka khadka dhexe ayaa si aad ah loola xiriirinayay inuu ka tagayo Stamford Bridge ka hor xilli ciyaareedka cusub.

Barcelona, Paris Saint-Germain iyo Juventus ayaa aad  loo la xiriirinayay laacibkan ka caawiyay  France inay ku guuleysato Koobka Adduunka 2018.

Sida ay qortay The Times, Chelsea ayaa uso bandhigtay Kante fursad uu ku noqon karo ciyaaryahanka ugu mushaarka badan Chelsea  £ 290,000  ayuu qaadan doonaa todobaadkii haduu uu qandaraaskan aqbalo.

27 jirkaan ayaa Chelsea kaga soo biiray kooxda Leicester City sannadkii 2016, ka dib markii uu ka caawiyay Foxes horyaalka Premier League, waxaana uu 89 kulan u saftay Blues labadii xilli ciyaareed ee u danbeysay.