Wasiirka Gaashaandhiga oo Baydhabo tababar ugu furaya ciidamo ka tirsan kuwa xoogga.

Wasiirka Gaashaandhiga Xukumada Faderaalka Soomaaliya Xasan Maxamed Amardambe ayaa maanta gaaray Magaalada Baydhabo ee Xarunta Gobolka Baay.

Wasiirka ayaa Xarunta taliska qeybta 60aad ee Ciidamada xoogga dalka Soomaaliyeed oo ku taalla Magalada Baydhabo ee Xarunta Gobolka Baay kulan kula qaatay Saraakiisa ciidanka Xoogga dalka.

Taliyaha qeybta 60aad ee Ciidamada xoogga dalka Gaashaanle Sare Cabdiraxmaan Maxamed Cusmaan Timacadde ayaa sheegay in U jeedka Wasiirka uu u tegay Baydhabo ay tahay in uu tababar Maalinta berito ah uu u furi doono Ciidamo ka mid noqoanaya Millateriga Soomaaliya.

Gaashaanle Sare Cabdiraxmaan Maxamed Cusmaan Timacadde ayaa sheegay in ciidanka Koofur Galbeed Soomaaliya ay u diyaarsanyihiin ladagaalanka Al Shabaab ayna ugu baahanyihiin wasaarada gaandhiga qalab iyo tababar.

Dhinaca kale Wasiirka Gaashaandhigga Xukuumadda Soomaaliya Xasan Cali Maxamed( Amar-dambe) ayaa ka mahad celiyay soo dhaweynta loo sameeyay,waxana uu sheegay in tababarkaas ay ka faa’iideysan doonaan Boqolaal askari oo ka mid noqon doona Ciidamada Dowladda Soomaaliya.

Wasiirka ayaa sheegay in ciidanka uu bari tababarka u furi doono loogu talagalay in ay isku furaan Wadooyinka deegaanada Maamulka Koofur Galbeed oo intooda badan ay xoreen Dagaalamayaasha Al Shabaab.

Wasiirka Gaashaandhiga ayaa waxaa uu hadalkiisa intaasi ku daray in Ciidankaas tababarkooda uu socon doono mudo laba Bilood ah,isla markaana loogu talo galay in ay ka qeyb qaataan dagaalka ka dhanka ah Al-Shabaab ee ka socda deegaanada Koonfur Galbeed.