Web master 
Wasiirka Wasaaradaha Gaashaandhigga Xukuumadda Soomaaliya iyo Taliyaha Ciidamada Xoogga Dalka Soomaaliyeed ayaa kawada hadlay sida ay ugu howlan yihiin diiwaan-gelinta Ciidamada Xoogga dalka Soomaaliyeed si loo loo tayeeyo howlaha ciidanka loona hubiyo xuquuqooda.
Waxa ay isla garteen sida lagu sheegay war kasoo baxay in Askari walba la xaqiijiyo diiwaan-gelintiisa iyo in mushaarkiisa si toos ah loogu shubo koontadiisa bangiga.
Warka ayaa intaa la raaciyay in loo billaabay $30 (Doolar) oo kamid ah qoondada raashinka askarta oo si toos ah loogu shubo koontada uu askarigu bangigiisa ku leeyahay marka la xaqiijiyo diiwaan-gelintiisa.
Sidoo kale waxaa ay sheegeen Wasaaradda Gaashaandhigga iyo Taliska Ciidamada Xoogga in la wado xaqiijinta rasmiga ee ku aadan askarta aan weli helin xaquuqdooda billaha ah.
Waxaana Ciidamada la diiwaan-geliyay lagu amray in ay ku sugnaadaan goobtooda shaqada, si loo xaqiijiyo.
Ciidamada ka fog goobaha diiwaangelinta ayaa la sheegay in looga yeeri doono Goobo u dhow halka ay ku sugan yihiin si loo diiwaangeliyo, sida kuwa dhanaane oo lagu diiwaan-gelin doono Jazeera, kadibna ay dib ugu laaban doonaan goobtooda shaqo sida hadalka loo dhigay.
Wasaaradda Gaashaandhiga iyo Taliska Ciidanka Xoogga dalka Soomaaliyeed ayaa ciidanka ku wargeliyay inta ay diiwaan-gelinta socoto askari walba uu ku uu heli doono xuquuqdiisa oo buuxda marka ay soo dhammaata diiwaan-gelinta.