Soomaali khasaare ka soo gaarey duqeymo ka dhacay xadka dalalka Suudaan iyo Koofurta Suudaan
MM Staff 
Madaxweynihii hore ee Mareykanka, Brack Obama ayaa soo saarey qoraal uu ku difaacay Xildhibaan Ilhaan Cumar oo ka tirsan Golaha Wakiilada, taasi oo maalmihii la soo dhaafay wajaheysay eedeymo iyo hanjabaad ah in laga tarxiili doono dalkaasi.
Qoraalka Obama ayaa ku sheegay in Ilhaan Cumar ay tahay gabar Mareykan ah oo si sharci ku joogta dalkaasi, isla markaasna aan la masaafurin karin.
“Xildhibaanad Ilhan Cumar waxay dalkan timid iyadoo la socota aabbeheed, xilligaas oo ay jirtay 12 sano, Shan sano ka dib, aabbeheed wuxuu noqday muwaadin Maraykan ah. Haddii Ilhan ay xilligaas jiri lahayd 18 sano, waxaa laga rabay inay si gaar ah u codsato dhalashada. Laakiin maadaama ay jirtay 17 sano, waxay si toos ah u noqotay muwaadin” ayuu yiri Obama
Isagoo sii hadlaya wuxuu yiri “Intii uu xilka hayay Madaxweyne Trump, Waaxda Caddaaladdu waxay si joogto ah u beegsatay dadka ay ku jirto Ilhaan oo ay kala dhaxeyso Cadaawad Siyaasadeed, haddii tani noqoto dhaqan caadi ah oo aan laga hortagin dad kale ayay qabsan doontaa”
Sidoo kale, Obama ayaa xusay in Ilhaan tahay muwadin dadaalay oo wax badan ku soo kordhisay Bulshadeeda.
Hadalka Madaxweyne hore Obama ayaa ku soo beegmaya xilli Donald Trump lagu eedeeyay inuu cadaadis siyaasadeed ku hayo Xildhibaan Ilhan Omar oo laga soo doorto gobolka Minnesota, iyadoo hay’adaha federaalku ay baaritaan ku sameeyeen gurigeeda, lana wareegeen taleefankeeda iyo dukumentiyo gaar ah.
Mustaqbal