Mustaqbalsp Mustaqbalsp 
Kooxda juventus ayaa guul ka gaadhay kooxda u soo dalacday horyaalka Serie A-da ee Parma xilli uu Cristiano Ronaldo mar kale ku fashilmay in uu gool dhaliyo.
Juventus ayaa daqiiqadii 2-aadba dhalisay goolka 1-aad ee ciyaarta iyaga oo uu u dhaliyay xiddiga weerarka uga ciyaara ee Mario Mandzukic kaas oo hogaanka u dhiibay kooxdiisa.
Si kasta ha ahaatee kooxd Parma ayaa keentay goolka bar-baraha kadib dagaal badan oo ay u gashay sidii ay u keeni lahayd goolka laga dhaliyay bilowgii ciyaarta.
Xiddigii hore ee kooxda Arsenal ee Gervinho ayaa dhaliyay goolka bar-baraha daqiiqadii 33-aad isaga oo ciyaarta ku soo celiyay bar-baro 1/1 ah.
Waxa sidaas ku dhamaatay qaybtii hore ee ciyaarta oo ay labada kooxood isku dhaafi waayeen kuna heshiiyeen in ay qaybta nasashada sidaas ku aadaan.
Qaybtii dambe ayuu dhashay kulanka 2-aad ee kooxda Juventus iyaga oo uu daqiiqadii 58-aad u dhaliyay xiddiga khadka dhexe uga ciyaara kooxda Juventus ee Blaise Matuidi.
Waxa sidaas ku dhamaatay ciyaarta oo ay kooxda Juventus sidaas ku gaadhay guusheedii 3-aad oo xiriir ah inkasta oo uuna Cristiano Ronald wax gool ah dhalin ilaa haatan.