HORDHACA: Lyon Vs Man City+Xaqiiqooyinka Kulanka.

Naadida reer France ee Lyon ayaa cwa marti qaadi doona kooxda Man City oo ku booqan doonta dalka France si ay u ciyaaraan kulanka ka tirsan heerka Groupyada Champions League-ga.

Man City ayaa iska xaadirin karta wareega xiga kulanka Lyon hadii ay guul ka gaarto kooxda reer France maadama ay gaari doonaan guushoodii 4-aad ee tartanka.

City ayaa sidoo kale doonaysa in ay ka aarsato kooxda Lyon kuwaas oo guuldaro lama filaan ah dhabarka u saaray kulankii lugta hore ee ka dhacay garoonka Etihad.

Kulanka: Lyon Vs Man city

Tartanka: Champions League

Wakhtiga: 11:00 Habeenimo

Garoonka: Groupama Stadium

XAQIIQOOYINKA KULANKA:

Man city ayaa kaliya kulankii 3-aad ku ciyaaraysa France kadib markii ay PSG bar-bari 2-2 ah la galeen April 2016 sidoo kale guuldaro 3-1 ah kala kulmeen Monaco March 2017.

Lyon ayaa laga badiyay hal kulan oo kaliya oo ka mid ah 10 kulan oo ay kooxaha premier League kula ciyaartay garoonkeeda iyada oo badisay 3 kulan 6 kalena bar-baro gashay guuldarada ayaa soo gaartay February 2001 iyada oo kala kulantay Arsenal.

Man City ayaa ah kooxda ugu goolasha badan xilli ciyaareedkan champions League iyaga oo dhaliyay 12 gool 4-tii kulan ee ay ilaa haatan ciyaareen.

Kooxda Man City ayaa isha ku haysa in ay dhamaan badisay kulamada Wareega Group-yada champions league ee ay ku ciyaarayso meel ka baxsan garoonkeeda Markii 2-aad ee taariikhdeeda.