Masar oo sheegtay in ay Soomaaliya ka taageerayso dagaalka AS
MM Staff 
Suxufiga lagu magacaabo Roshan Micah Reddy iyo qof deegaanka ah oo caawinayay oo lagu magacabo Kooki Mahmoud ayaa xogtooda lagu waayay Jamhuuriyadda Jabuuti halkaasi oo uu u joogay howlo shaqadiisa la xiriirta sida ay ku warrantay Hay’adda Difaacda Suxufiyiinta ee CPJ.
War kasoo baxay CPJ ayaa lagu sheegay in Jamhuuriyadda Jabuuti laga dalbaday in ay xogta Suxufigaan u dhashay Dalka Koofur Afrika ay soo gudbiso sida haddii uu xiran yahay iyo haddii la afduubtay maadaama ay ka walaacsan tahay Hay’addu.
Roshan Micah Reddy waa Suxufi baara Musuqa, Maamulka Dowladeed iyo Siyaasadda waana nin fadhigiisu yahay Magaalada Johannesburg ee Dalka Koofur Afrika isaga oo xog-baaris kaddib soo gudbiya macluumaadka uu soo helay.
Xukuumadda Madaxweyne Ismaaciil Cumar Geelle ayaa laga sugayaa jawaabta ay ka bixiso macnaashiyaha Suxufigaan u dhashay Dalka Koofur Afrika ee lagu waayay Dalkaas waxaana jira warar sheegaya in la xiray oo baaris lagu wado inkasta oo aan la xaqiijin arrintaas.
Dalal uu horay u tagay Reddy waxa uu kasoo gudbiyay Warbixinno uu kasoo diyaariyay oo uga hadlay Musuqa, Siyaasadda iyo Hannaanka ay u shaqeeyaan Dowladaha maamula Dalalkaas iyada oo falcelin kala duwan uu kala kulmay kaddib baahintiisa.
Mustaqbal