DFS oo ciidamo ka qoreysa deegaannada Waqooyi Bari

Warar soo baxaya ayaa sheegaya in Dowladda Federaalka Soomaaliya ay ciidamo ka qoraneyso deegaannada Maamulka Waqooyi Bari ee Soomaaliya oo ku yaalla goob Istraatiiji ah.

Ilo xog ogaal ah ayaa inoo xaqiijiyay in Dowladda Federaalka diiwaan gashan doonto ciidamadeeda ku sugan deegaannada Waqooyi Bari, si ay u yeeshaan xuquuq la mid ah Askarta kale ee ku baahsan Jamhuuriyadda.

Ciidamadaan ayaa fulin doona waajibaadka Qaranka ee difaaca Midnimada dalka iyo dhowrida Muwadiniinta Soomaaliyeed.

Maamulka Waqooyi Bari ayaa xiriir wanaagsan la leh Dowladda Federaalka, waxaana Madaxda dalka oo uu hoggaaminayo MW Xasan Sheekh ay booqasho ku tageen bishii Janaayo ee sannadkan 2026.

Madaxda ayaa hore u ballanqaaday in diiwaan galin iyo qalabeyn lagu sameyn doono ciidamada ku sugan dowlad goboleedkaasi oo sannadkii 2023 dagaal looga saarey Maamulka Waqooyi Galbeed.

Guud ahaan dalka sida Maamulada Puntland, Koofur Galbeed, Galmudug, Hirshabeelle, iyo Banaadir waxaa ku sugan Ciidanka Xoogga dalka oo si isku mid ah u ilaaliya Amniga iyo kala dambeynta deegaannadaasi.

Mustaqbal