Dowladda Deferaalka Soomaaliya ayaa markii ugu horreysay loo doortay xubinnimada Golaha Xuquuqul Insaanka Qaramada Midoobe muddo seddex sano ah oo ka bilaabaneysa 1-da Janaayo, 2019-ka.
Xubinnimada Soomaaliya ayaa ku eg sanadka 2021-ka, waxaana Cod ay dhiibteen 193 Dal Soomaaliya ay ka heshay 170-kamid, 20-dal oo kaliya ayaa diiday, mana jirin cod aamusnaan ah.
93-da xubnood ee Golaha guud ee Qaramada Midoobe ayaa kulan Doorasho ah qabsaday si loo doorto xubnaha cusub ee Golaha Xuquuqul Insaanka Qaramada Midoobe.
18-ka xubnood ee cusub ee la doortay waxa ay ku soo baxeen Cod aqlabiyad leh oo si qarsoodi ah loo qaaday.
Dal waliba oo xubin ka noqonaya Golahaasi waxaa looga baahnaa in uu la yimaado Codad aan ka yareen 97 cod si loogu doorto Xubinnimada Golaha.
Danjiranaha Soomaaliya ee Xarunta Qaramada Midoobe ee Geneva Faadumo Cabdullaahi Insaaniya oo la hadashay Laanta Afka Soomaaliga ee VOA ayaa sheegtay in Fursadda Soomaaliya ay ku heshay Xubinnimada Golahaan aan dayici doonin.
Guul usoo hoyotay Soomaaliya ayay ku tilmaamtay maadaama Codadka ay heshay marka la eego in ay muujineyso sida Soomaaliya lala doonayo Booskaan sida ay hadalka u dhigtay.
Soomaaliya ayaa u ah markii ugu horeysay oo ay Xubin ka noqoto Golaha Xuquuqul Insaanka Qaramada Midoobe oo ay raadineysay Muddo ka badan Sanad.
Sida ay ku warrantay Wakaaladda Wararka Reuters, waxaa sii kordhay dadka Tahriibayaasha ah ee ku…
Allaha U Naxariistee Axmed Cali Cigaal oo kamid ahaa Fannaaniinta Soomaaliyeed ayaa ku geeriyooday Dalka…
Shirka Madaxda Dalalka ciidamada usoo diray Soomaaliya iyo Dowlada Federaalka ay ku yeesheen Magaalada Kampala…
Kalfadhiga 8aad ee Baarlamaanka Federaalka Soomaaliya ayaa berri lagu wadaa in uu furmo iyada oo…
Soomaaliya ayaa kamid noqotay dalal badan oo xaaladda Badda Cas kulmisay si looga hortago halista…
Lataliyaha sare ee Madaxweynaha Maraykanka ee Arrimaha Carabta iyo Waqooyiga Afrika, Massad Boulos ayaa beeniyay…