Madaxweynaha Mareykanka Donald Trump ayaa sheegay in Mareykanka iyo Shiinaha ay kala saxiixdeen heshiis ganacsi, iyada oo la soo afjarayo dagaalka ganacsi ee labada dal.
“Waxaan heshiis la galnay Shiinaha dhowaan,” ayuu Trump ku sheegay munaasabad ka dhacday Aqalka Cad.
Sarkaal ka tirsan Aqalka Cad ayaa sheegay in labada dhinac ay ku heshiiyeen “faham dheeraad ah oo ku saabsan hirgelinta heshiiskii Geneva”, iyadoo laga duulayo wadahadalladii bishii hore ka dhacay magaalada Geneva ee dalka Switzerland, halkaasoo labada dal ay ku gaareen xabbad-joojin ganacsi muddo 90 maalmood ah.
Sarkaalka ayaa intaas ku daray in fahamkaas cusub uu ku saabsan yahay sidii dib loogu dedejin lahaa dhoofinta biraha qaaliga ah ee Shiinaha uga yimaada, kuwaas oo muhiim u ah warshadaha Mareykanka.
Heshiiska cusub ayaa daba socda wada-xaajoodyadii ka dhacay London, kuwaas oo dhigay saldhig lagu dhiso heshiis weyn. Hadalka Madaxweynaha wuxuu u muuqdaa mid rasmi ka dhigaya is-afgaradkii laga gaaray kulamadii hore.
Colaadda ganacsi ee u dhaxeysay Mareykanka iyo Shiinaha ayaa saameyn ballaaran ku yeelatay suuqyada caalamka, iyadoo labada dhinac ay is dhaafsadeen canshuuro sarre oo la saaray badeecooyin malaayiin dollar gaaraya.
Mustaqbal
Ra’iisul Wasaaraha Israel, Benjamin Netanyahu, ayaa markii ugu horeysay qiray in ay hoos u dhacday…
Maamulka Waqooyi Galbeed ee Soomaaliya ayaa maanta Garoonka Cigaal ee Hargeysa ka hor istaagay in…
Golaha Wasiirrada Xukumadda Federaalka Soomaaliya ayaa manta yeeshay kulankoodii caadiga ahaa oo looga hadlay arrimaha…
Madaxweynaha Dowladda Federaalka Soomaaliya, Xasan Sheekh Maxamuud ayaa Warbixin ka dhageystay Saraakiisha Ciidamada Mareykanka ee…
Taliyaha Guud ee Ciidamada Difaaca Uganda, Jeneraal Muhoozi Kainerugaba, ayaa ku baaqay in Ciidamada Howlgalka…
Wakaaladda Deegaanka ee dalka Ingiriiska ayaa si rasmi ah ugu dhawaaqday abaar ka jirta qeybo…