Wasiirka Amniga DG Koofur Galbeed Soomaaliya Isxaaq Cali Subug & saraakiil katirsan Howlgalka AMISOM ayaa tababar usoo xiray Ciidan loo qorsheeyay ilaalinta Baydhabo & Baraawe oo lagu qabanayo Doorashada Kuraasta Golaha Shacabka BFS.
Isxaaq Cali Subag ayaa wada-shaqeynta Ciidanka Soomaalida & kuwa midowga Afrika ku sheegay in ay fure u tahay sugidda Amniga goobaha lagu qabanayo Doorashada kuraasta Golaha Shacabka ee saami ahaanta loo siiyay Koofur Galbeed.
“Amniga Doorashada waa muhiimadda koowaad, ciidamada Koofur Galbeed & AMISOM waxaa loo tababaray ilaalinta goobaha Doorashada, Qaramada Midoobay, Midowga Yurub & Boqortooyada Ingiriiska ayaa mas’uuliyad gaar ah iska saaray tababarkaan” ayuu yiri Wasiirka Amniga DG Koofur Galbeed.
Ciidamada Militariga Federaalka, Daraawiishta Koofur Galbeed & AMISOM waxa uu kaalintooda amni sugidda kasoo geliyay deegaannada ka baxsan Magaalooyinka doorashooyinka ay ka dhacayaan halka Booliiska ay xaqiijinayaan nabadgalyada Gudaha sida uu hadalka u dhigay.
DG Koofur Galbeed oo soo dhammeystirtay 8-dii Senator ee ku metalaya Aqalka Sare BFS ayaa sheegtay in dhawaan ay bilaabeyso qabashada Doorashada Kuraasta Golaha Shacabka si dhankooda howshaas uga soo dhammaato.
Ra’iisul Wasaaraha XFS Maxamed Xuseen Rooble ayaa Dowlad-Goboleedyada Koofur Galbeed, Puntland, Hir-Shabeelle, Jubbaland, Galmudug, Gobollada Waqooyi (Somaliland) & Banaadiriga ugu baaqay in ay soo doortaan Xildhibaannada Golaha Shacabka BFS.
Mustaqbal
Golaha Wasiirrada Xukuumadda Federaalka Soomaaliya ayaa maanta kulankooda toddobaadlaha ku yeeshay magaalada Muqdisho, iyadoo lagu…
"Soomaaliya uma baahna oo keliya sanduuq codbixin, waxay u baahan tahay muwaadin rumeysan in codkiisu…
War-saxaafadeed ka soo baxay Ciidamada Booliiska Dowlad Goboleedka Puntland ayaa lagu sheegay in ay la…
Madaxweynaha dalka Nigeria, Bola Tinubu, ayaa amar ku bixiyey in la kordhiyo mushaarka ciidanka milateriga…
Wararka naga soo gaaraya magaalada Boosaaso ee gobolka Bari ayaa sheegaya in Ciidamada Amniga Puntland…
Ra’iisul Wasaarihii hore ee dalka Bangladesh, Sheekh Xasiina, ayaa shaaca ka qaadday inay dalkeeda dib…