16; Haween kakaaliyayaal caafimaad ah oo mar qura uur wada qaaday!,Sawirro

16; kalkaaliyayaal Caafimaad ah oo ka shaqeeya Isbitaalka Banner Desert Medical Centre ee Gobolka Arizona ee dalka Mareykanka ayaa Uur wada qaaday,taas oo ka yaabisay saaxiibadooda kale ee Isbitaalka

Rochelle Sherman, oo ka mid ah Gabdhahaas ayaa sheegtay in aysan qorsheyn arrintan oo ay si caadi ah u dhacday,waxaana ay ku kaftantay in ay biyo wada cabeen.

“ma rumeysanin arrintan,waxaa ay u ekeyd sida inaan heshiis galnay,waxaan sameynay Group Facebook ah,halkaas oo aan ku sheekeysannay,isna weydiinnay imisa ayaa uur leh,sidaas ayeyna ku timid”.

Gabadha ugu horreysa waxaa ay dhali doontaa billowga Bisha September ee soo socota halka midda ugu dambeysana ay dhali doonto Bisha January ee Sanadka cusub ee 2019ka.

Maamulka Isbitaalka ayaa arrintan aad wal wal uga muujiyay sababta oo ah qof kasta oo ka mid ah Haweenka Isbitaalka ka shaqeeya waxaa ay leedahay 12 todobaad oo fasax naas nuujin ah,waxaana halkaas ka dhalan karta baahi shaqaale yari la xiriirta.

Isbitaalka oo dhiirro gelinaya Gabdhahan ayaa midkasta guddoonsiiyay haddiyad u gaar ah oo ay ku qorantahay “Naso, hooyadey waa Banner Nurse!”.

Sidoo kale maamulka Isbitaalka ayaa billaabay in 16ka kalkaaliye uu geeyo Maqaayadaha ay ka helaan si loogu muujiyo niyad wanaag,waxaa kale oo intaas dheer in shaqaalaha kale ee Isbitaalka ay buuxiyaan shaqooyinka ku adag kalkaaliyayaasha uurka leh.

Isha: U report