Wasiirka Gaashaandhigga Xukuumadda Federaalka Soomaaliya Danjire Axmed Macallin Fiqi oo Magaalada Beijing kula kulmay dhiggiisa Shiinaha Admiral Dong Jun waxa ay uga wada hadleen iskaashiga labada dal iyo xoojinta xiriirka Wasaaradahaan.
Wasiir Axmed Fiqi ayaa sheegay in uu dhiggiisa Shiinaha uu faahfaahin ka siiyay isbaddelka dhinaca Amniga ee Soomaaliya, dedaallada kala duwan ee Dowladdu wado iyo kaalinta ay ka qaadanayaan Dalalka saaxiibada la ah Soomaaliya.
Fiqi ayaa u mahadceliyay Jamhuuriyadda Shacabka Shiinaha oo garab istaag xooggan u muujisay Soomaaliya, waxaana uu rajeeyay in Mustaqbalka dhow cagaha la saarayo isbaddel ka dhasha howlgallada xooggan ciidamada Federaalka ay wadaan.
Wasiirka Gaashaandhigga Shiinaha Admiral Dong Jun ayaa sheegay in Dowladdiisa ay garab taagan tahay Soomaaliya, waxa uu bogaadiyay horumarka laga gaaray howlgallada ay wadaan ciidamada Dowladda Federaalka si loo xoojiyo xasiloonida sida uu hadalka u dhigay.
Shiinaha waxa uu kamid yahay Dalalka xiriirka faca wayn la wadaago Soomaaliya isla markaana ka gacansiiya arrimaha dhinaca Militariga, Bani aadamnimada & Siyaasadda, waxa ay Beijing sheegtay in ay garab taagan tahay dhiggeeda Muqdisho.
Mustaqbal
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…
Ku simaha Guddoomiyaha Golaha Shacabka ee Baarlamaanka Federaalka Soomaaliya, ahna Guddoomiye ku-xigeenka koowaad ee Golaha,…