Wasiirka Goodax oo maalintii 2aad kormeeray goobaha uu ka socdo imtixaanka shaadiga ah ee dugsiga sare.

Wasiirka Waxbarashada xukumadda DFS. Cabdullaahi Goodax Barre iyo Taliye ku xigeynka Ciidanka xooga dalka Soomaaliyeed ayaa kormeer ku bilaabay iskuulka 15 may, jaamacadda city iyo xarumo kale oo ku yaala Gobalka Banaadir halkaas oo imtixaan ay u fadhiyeen ardayda dugsiga sare.

Wasiirka iyo Taliye ku xigeynka Ciidamada Xooga Soomaaliyed S/ Gaas Cabdi xasan Maxamed ayaa qol qol u galay fasallada imtixaanku uu ka socday waxa ayna la hadleen ardayda oo ay wax ka weydiyeen habka uu imtixaanku u socdo .

Taliye ku xigeynka Ciidamada Xooga Dalka Soomaaliyeed S/Gaas Cabdi Xasan maxamed ayaa waxa uu sheegay in kormeerka ay ku tageen Goobaha uu imtixaanku ka Socdo ay ku abuurtay xasuus keentay waa yihiisi waxbarashada islamarkaan ay maanta ardayda Soomaaliyeed ay marayaan meel fiicaan oo qeyb ka ah horumarka iyo dowladnimada dalka kajirto.

Taliye ku xigeynka Ciidamadda Xooga dalka Soomaaliyeed ayaa ardayda kula dar daarmay in ay meel sare ka gaaraan waxbarashada.

Wasiirka waxbarashada xukuumadda Federaalka Soomaaliya  Cabdulaahi Goodax bare ayaa waxa uu ardayda kala hadlay qeymaha ay leedahay waxbarashada, arday waxbartay iyo arday aan wax baran sida ay u kala wanaagsan yihiin.

“Maanta oo ah maalintii labaad ee imtixaanka shahaadiga ah ee dugsiga sare uu ka socdo xarumihii loogu talagay waxaan kormeer ku tagnay aniga iyo Taliye k xigeynka Ciidanka Xoogga Dalka, S/Gaas Cabdi xasan maxamed qeybo ka mid ah xarumaha imtixaanka uu ka socdo, Waxaan goobahaasi kula kulannay arday niyad wanaagsan oo jecel in ay tacliinta heer sare ka gaaraan, isla markaana ku kalsoon habka uu imtixaanka u socdo”.ayuu yiri wasiir Goodax.