Wasiirka arrimaha gudaha iyo wafdiga la socda oo ku wajahan Gelisnoor.

Wararka naga soo gaaraya gobolka Galgaduud, ayaa sheegaya in maanta laga sugayo degmada Gelinsoor wafdiga uu hogaaminayo Wasiirka arrimaha gudaha Somaliya Cabdi Maxamed Sabriye, Wasiir Sabriye iyo xubno katirsan labada Aqal ee Baarlamaanka ayaa shalay ka dagay magaalada cadaado.

Wasiir Sabriye, ayaa maanta u tagaya Gelinsoor xal u helista dagaaladii u danbeeyay ee ka dhacay deegaanka Kaxandhaale, kaasoo u dhexeeyay laba maleehsiyo Beeleed.

Dagaalada, waxaa ka dhashay khasaare isugu jira dhimahso iyo dhaawac, iyadoo dadka lagu dul dagaalamayna ay rasaas guryohooda uu tagtay ay waxyeelo ka soo gaartay.

Wasiir Sabriye, ayaa la filayaa inuu meel fagaare ah isugu keeno odayaasha Qabiilada dirirtu u dhexeyso, si xal looga gaaro colaada, Iyadoo dad badan oo isaga barakacay Kaxandhaale ay ka gudbeen Xadka, kuwaasoo xaalado Nolol xumo ah ay soo wajahday.

Si kastaba, Maamulka degmada Gelinsoor ee Maamul Goboleedka Galmudug ayaa War Saxaafadeed uu soo saaray Shalay ku sheegay  in dagaalka ka dhacay deegaanka Kaxandhaale ay ka qeybgaleen ciidamo ka soo gudbay xadka dalka Itoobiya.

War saxaafadeedka ayaa  lagu sheegay in dagaal ka dhacay deegaan lagu magacaabo Deeqla oo ka tirsan Kaxandhaale lagu soo qabtay labo askari oo Itoobiyaan ah kuwaasoo ka barbar  dagaalamaya maleeshiyo beeleed.