Wafdi ka socda Shiinaha oo lakulmay Madaxweynaha Puntland Deni.

Madaxweynaha Dowlad Goboleedka Puntland Siciid Cabdullaahi Deni aya maanta magaalada Garowe kula kulmay Madaxa shirkadaha Shiinaha ee Africa Mr.Qian Xian iyo wafdi la socday oo maanta gaaray Garowe.

Kulanka Madaxweynaha Punland la qaaday wafdiga ka socday Shiinaha oo ka dhacey Xarunta Madaxtooyada Puntland Garowe ayaa waxaa ku wehlinaayey Xubno ka tirsan Madaxtooyada Maamulka Puntland.

Wafdiga ka socday Midowga Shirkada Shiinaha ee Africa oo fadhigoodu yahey Dalka Ethopia ayaa Madaxweynaha Puntland kala hadlay Maalgashi Ganacsi ee ay Ka sameeyaan deegaanada Maamulka Puntland iyo in ay wada shaqeyn dhexmarto shirkadaha Ganacsi ee Puntland.

Mr. Qian Xian oo ah Madaxa Shirkadaha Shiinaha ee Africa ayaa amaanay Hormarada Ganacsi ee ka jira deegaanada Puntland iyo hormarada ay ka sameeyeen Siyaasada iyo dib u heshiisiinta isaga oo tusaale u soo qaatay Doorashadii Madaxweyne ee ka dhacday Garowe.

Madaxweynaha Puntland Siciid Cabdullaahi Deni ayaa Midowga Shirkadaha Shiinaha u sheegey in Maamulka Puntland mar walba diyaar u yahey wada shaqeyn uu la yeesho shirkada Ganacsi ee maalgashi ka samaynaya deegaanada Puntland.