Dilal ka dhacay Boosaaso iyo Beledweyne

Warar dheeraad ah ayaa ka soo baxayay dilal xalay ka dhacay Beledweyn iyo Boosaaso, iyadoo raggii weeraradaas geystyna ay ka baxsadeen gacanta laamaha amaanka

kooxo hubeysan ayaa maqribnimadii xalay waxa ay toogasho ku dileen askari ka tirsanaa ciidamada ilaalinta deegaanka ama Munishibiyo.

Sarkaalka la dilay ayaa waxaa lagu magacaabi jiray Cismaan Cali maadeey (Ganeey), waxana dilkiisa uu ka dhacay Xaafada Howl-Wadaag ee Magaalada Baladweyne.

Dilka 2-aad waxa  ay Koox hubeysan xalay magaaladda Boosaaso, ee caasimadda gobolka Bari ugu geysteen Ganacsade xilli falalka amni darro iyo dilalka khaarijinta ay kusii kordhayaan xarunta Ganacsiga Puntland.

Goobjooge ayaa u xaqiijiyay Mustaqbal Radio in rag bastoolad ku hubeysan ay toogasho ku dileen Ganacsade Salaad Cabdi Cukaasha, iyadoo dilkiisa uu ka dhacay xaafadda Raf iyo Raaxo ee magaaladda Boosaaso.

Allah ha u naxariistee Salaad Cabdi ayaa la dilay xilli uu kasoo baxay Masjidka Cali Bin Abu Dhalib, oo uu kusoo dukaday salaadii Cishaha, sida ay Mustaqbal u sheegeen dad isaga xilligaasi la socday.

Marxuumka ayaa xisaabiye ka ahaa Shirkadda Ganacsi oo lagu magacaabo Horseed. Dableyda, oo aan la ogeyn waxa ay yihiin, ayaa goobta isaga baxsatay kahor inta aysan soo gaarin ciidamada amaanka Puntland, kuwaasoo sameeyay howlgal aan la shaacin cida lagu soo qabtey.

Bishan aan ku gudaha jirno afarteeda ­ Febuary 4, 2019 waxaa Boosaaso lagu dhex dilay Paul Anthony Formosa, oo ahaa madaxii Shirkadda P&O ports ee Dekadda, iyadoo dilkiisana raggii fuliyay oo labo ahaa lagu dilay toogasho.

Paul Anthony Formosa oo kasoo jeeday Malta ayaa dilkiisa waxaa cambaareeyay Madaxweyne Saciid Deni, oo ku tilmaamay inuu qeyb ka yahay dagaalka ka dhanka ah horumarka dhaqaale ee Puntland.

Ma jirto cid loo qabtay dilalka ka dhacay magaalada Boosaaso iyo magaalada Beledweyne iyadoo raggii ka dambeeyay dilkana ay goobta ka tageen iyadoo aysan jirin cid la hadashay.