DFS oo sheegtay in Al-Shabaab ay ka qabsatay Dhulka Buuraleyda ah ee Gobolka Hiiraan.

Dowladda Federaalka ayaa sheegtay in howlgal qorsheysan oo ay sameeyeen Ciidanka Kumaandooska ee Gaarka u tababaran ee Gorgor ay ku qabsadeen dhulka Buuraleyda gaar ahaan Dacaarow ee Gobolka Hiiraan.

Dowladdu ma sheegin khasaaraha kasoo gaaray balse waxa ay shaacisay in dhanka Al-Shabaab ay kasoo qabsadeen Afar boqol oo nee foo Ari ah, halka ay dileen ku dhawaad 6 dagaalame oo Shabaab ah sida lagu yiri qoraalka.

Deegaanka Dacaarow waxa ay Dowladda Federaalka ku sheegtay in uu saldhig weyn u yahay Al-Shabaab, goobtaasina ay ku fuliyaan dhaqdhaqaaqa inta badan ay ka sameeyaan Gobolka Hiiraan sida hadalka loo dhigay.

“Ciidanka kumaandooska gor Gor ee Xoogga Dalka  oo kaashanayo ciidanka dib u xoreynta deegaanka ayaa howgal qorsheysan ka fuliyey dhulka buuraleeyda gobolka hiiraan. Howlgalka ayaa si gaar ah waxa uu uga dhacay buurta dacaarow oo saldhig weyn ay ku lahayeen Maleeshiyada Al-shabaab” ayaa lagu yiri qoraalka.

“Ciidanka kumaandooska gor gor ayaa howlgalka ku dilay ku dhawaad lix Maleyshiyaad ah oo ka tirsan nabadiidka Al-shabaab. Ciidanka ayaa Nabadiidka kasoo furtay Afar Baqol oo neef oo Ari ah oo Afduub ahaan ay u heesteen Cadowga Al-shabaab” ayaa lasii raaciyay qoraalka DFS.

Ciidamada Dowladda Federaalka oo garabsnaya Daraawiishta DG Hir-Shabeelle & Dadka Deegaanka gaar ahaan Dhalinyarada loo yaqaan “Macawuusleyda” ayaa howlgallo ka dhan ah Al-Shabaab ka wada Deegaanno katirsan Gobolka Hiiraan.

Mustaqbal