Chelsea oo ugu dambeyn soo afjartay rikoorkii guuldaro la’aanta City.

Kulankii ugu adkaa todobaadkan horyaalka Ingriska ayaa xalay ka dhacay garoonka Stamford Bridge kaa oo u dhaxeeyay kooxda Man City iyo Chelsea.

Baasas habeysan ayay City ku daaliyeen Chelsea kuwaasi oo la daala dhacayay in kubadaha iska soo bixiyaan ayna difaacaan gooshooda.

Inkastoo City kubadda ku badneyd hadana si sax ah uma aysan tageyn goosha Chelsea xilli laba jeer ay heleen fursado gool noqon karay balse goolhayaha iyo daafaca ayaa kala bad baadiyay

Chelsea mararka qaar wax ay ku tiirsaneyd kubdaha rogaal celiska ah balse City waxa ay ahaayeen kuwo foojigan walibana ay ka muuqatay kalsooni dheeraad ah

Goolka koowaad ee Chelsea ayaa yimid daqiiqadii 45-aad waxaana saxiixay Kante ka dib baas uu ka helay Hazard waxa ayna fusradaas aheyd tii ugu horeeysay ee ay qeybtaas hore helaan.

Soo laabashadii , Chelsea waxa ay ciyaarta ku bilaabeen hammi iyo kalsooni waxa ayna diyaar u ahaayeen in kubadda la qeybsadaan kooxda City.

Sidaas oo ay tahay City weerar ayay qaadayeen waxa ayna ciyaarta u muuqatay biloowgii mid isu dheeli tiran labada dhinac.

City oo daqiiqaddii 53-aad soo gilisay Jesus oo loo badalay Sane ayaa mararka qaar kubadda ku badneyd balse City qeybta labaad aad ayay u wacnaayeen waxaana la filan karay goolal dhasha.

Chelsea waxa ay daqiiqadii 65-aad badaleen Kovacic oo dhaawacmay waxaan lahgu badalay Barkley halka City isna uu ka dhaawamcay Silva waxaana daqiiqaidi 68-aad lagu badalay Ilkay Gundogan.

Dhamaadkii Chelsea dar dar ayay wadeen waxaana laga filan karay gool xilli City ay ka sheeganayeen dhameytir la`aan mar waliba oo ay tagaan afka hore ee Chelsea.

Dadaalkii Chelsea gool labaad ayaa ku yimid ka dib kubad koorno laga soo tuuray ayaa waxaa gool cajiib ah oo madaxa ah ku dhaliyay David Luiz waxa uuna goolkaas dhashay daqiiqaddii 78-aad sidaa ayeyna kuso dhamatay ciyaarta.