Wararka ka imaanaya Gobolka Hiiraan gaar ahaan inta u dhaxaysa Maxaas iyo Teedaan ayaa kusoo warramaya in dagaal u dhaxeeya Ciidamada Federaalka oo garab ka helaya Macawiisleyda iyo ‘AS’ oo uu halkaas ka socda.
Dagaalka ayaa billowday barqonimadii maanta iyada oo lasoo wariyay in qaraxyo xooggan oo loo badinayo inay yihiin Gawaari ay dhaceen, waxaana adag in la helo xogta khasaaraha ka dhashay dagaalkaas sida xogaha ay muujinayaan.
Ciidamada Dowladda Federaalka oo kaashanaya Dadka Deegaanka oo shalay ‘AS’ kula dagaalamay inta u dhaxaysa Maxaas iyo Teedaan ayaa la shaaciyay in ay go’doon geliyeen xubno katirsan ‘AS’ sida wararku sheegayaan.
Xubno katirsan ‘AS’ oo doonaya in ay soo furtaan Ragga ka go’doonsan ayaa dagaal culus kala kulmay Ciidamada Dowladda Federaalka Soomaaliya iyo Dadka Deegaanka ee garabka ku siinaya howlgalka halkaas ka socda.
Wararka ayaa intaas ku daraya in diyaarado dagaal ay qayb ka yihiin dagaalkaas kuwaas oo duqaynaya xubnaha ‘AS’ ee duullaanka ku qaaday ciidamada iskaashanaya iyo kuwa go’doonka ku jira sida wararku tibaaxayaan.
Dowladda Federaalka Soomaaliya ayaa guullo ka sheegatay dagaalkii shalay ka dhacay Gobolka Hiiraan iyada oo soo bandhigtay xubno katirsan ‘AS’ oo ay ku qabatay iska hor imaadkaas, waxaana intaas dheer duqaymo diyaaradeed oo weli xogtooda lasoo bandhigin.
La soco wixii kasoo kordha
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…