Madaxweynaha DFS Maxamed Cabdullaahi Farmaajo ayaa habeen kahor ku dhawaaqay in Magaalada Dhuusamareeb uu ka furmayo shirweyne qaran 1-da Febaraayo 2021 si loo soo gaba-gabeeyo 3-da Feb 2021 waxaana miiska saaran ka doodista qaabka looga gudbi karo khilaafka hortaagan Doorashooyinka ay ku heshiiyeen dhinacyadaan 17-September 2020.
Mas’uuliyiin katirsan DG Galmudug ayaa Mustaqbal u sheegay in maanta ay saacadaha hore ee maanta ilaa duhurkii in ay sugayaan wufuudda horudhac u ah madaxda heer Federaal & heer Dowlad Goboleed si gelinka dambe maanta ay Madaxda ay u caga-dhigtaan Dhuusamareeb.
Ilo kala duwan ayaa Mustaqbal u xaqiijiyay in shirka furmashadiisa ilaa berri gaari karo, balse marka ay madaxda isugu tagto Dhuusamareeb ay yeelanayaan kulamo gaar gaar ah & kuwa guud oo lagu gundhigayo ujeedka wada-xaajoodka habka looga gudbayo Doorashooyinka.
Furmashada shirka ayaa ku xiran sida Madaxda ay u tagto Dhuusamareeb & in aysan caqabado horleh & is jiid-jiid aan dhammaad lahayn ka dhalan gogosha, maadaama laga doonayo qodobada loo arko in looga gudbi karo khilaafka waqti dheeraaday.
Haddaba, Suuragal ma tahay in maanta Madaxda heer Federaal & heer Dowlad Goboleed ay gaaraan Dhuusamareeb si uu u furmo Shir weynaha uu ku dhawaaqay MW Farmaajo?
Mustaqbal.
Maxkamadda sare ee Dalka ayaa baabi’isay natiijada Doorashadii ka dhacday Maamulka Galmudug, iyada oo amartay…
Hoggaamiyaha Maamulka Koofur Galbeed, Aadan Maxamed Nuur Sheekh Aadan Madoobe oo soo gabagabeeyay kulamo uu…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa sheegay in Xukuumaddiisa ay diiday in…
Madaxweynaha Kenya, William Ruto ayaa sheegay in Dowladdiisa ay taagaarayso beeralayda gaar ahaan kuwa soosaara…
Wararka naga soo gaaraya Xeebaha Gobolka Nugaal ayaa sheegaya in halkaasi ay ka dhacday duqeyn…
Wasiirka Gaashaandhigga XFS, Axmed Macallin Fiqi, ayaa maanta kulan gaar ah la yeeshay Safiirka Boqortooyada…