Shir u dhaxeeya Wasaaradda Amniga iyo Wasaaradaha DG oo ka furmay Dhuusamareeb

Dhuusamareeb oo maanta ka furmay Magaalada Dhuusamareeb ee caasimadda Dowlad Gobaleedka waxaa maanta ka furmay shir u dhaxeeya Wasaaradda Amniga gudaha Xukuumadda Soomaaliya, Wasiiraha Amniga ee maamul gobaleedyada iyo Taliska Booliska.

Shirkaan oo caasimadda Galmudug ka socon doona laba berri ayaa waxaa daahfuray Madaxweynaha ku xigeenka Galmudug, waxaana goobjoog ka ahaa Wasiirka Amniga Gudaha Xukuumadda Federaalka Soomaaliya Cabdullahi Sheekh Ismaaciil Fartaag.

Shirka ayaa inta uu socda waxaa diiradda lagu saarayaa Mashruuca Wadajirka Booliiska (JPP-2), Sharciga Booliiska Soomaaliya, Qorshaha Istiraatijyadda Amniga Gudaha, iyo Bixitaanka ATMIS Ka dib. Sida uu yiri Wasiirka Amniga Cabdullaahi Fartaag.

Sidoo kale Wasiirka Amnig ayaa qoraal uu soo dhigay bartiisa Facebook ayuu ku yiri, “Iskaashiga iyo wadajirka Wasaaradaha Amniga iyo Talisyada Booliiska ee labada heer waa muhiim, si loo gaaro hadafyada amniga ee Qaranka. Waxaan rajeynayaa natiijooyin wax ku ool ah oo kor u qaadaya amniga iyo nabadda Soomaaliya in shirkan ay nooga soo baxaan.”

Mustaqbal