Maxkamadda Sare ee dalka Pakistan ayaa maanta soo saartay amar la xiriira in raysal wasaarihii hore ee dalkaas, ahna aasaasaha xisbiga mucaaradka ee PTI, Imran Khan, laga wareejiyo xabsiga Adiala Loona lana geeyo Isbitaalka Shifa International ee magaalada Islamabad.
Go’aankan ayaa waxaa qaatay saddex xubnood oo ka tirsan garsoorka maxkamadda, iyadoo Imran Khan bilihii la soo dhaafay uu wajahay xaalad Caafimaad.
Sidoo kale, maxkamadda ayaa amartay in go’aankan lagu fuliyo laba maalmood, waxaana Mr Khan loo oggolaaday booqashada qoyskiisa iyo khadka Taleefanka inuu kula hadlo Walaashiis oo ku nool dalka dibaddiisa.
Xaaladiisa Caafimaad ayaa waxaa kormeeri doona Guddi Caafimaad oo ay kamid yihiin Dr Uzma Khan oo ay walaalo yihiin Imran Khan iyo dhaqtarkiisa gaarka ah Dr.Faisal Sultan.
Muddada uu Isbitaalka Joogayo Sida uu qorshuhu yahay, Imran Khan ayaa isbitaalka ku jiri doona ugu yaraan illaa 16-ka bishan Sebtembar, oo ah maalinta loo ballansan yahay dhageysiga dacwadda xigta.
Imran ayaa la xiray bishii Agoosto 2023, waxaana markaasi lagu eedeyay dhowr dacwadood oo la xiriira laaluush iyo musuqmaasuq, kuwaas oo isaga iyo taageerayaashiisuba ay ku tilmaameen been abuur lagu sumcad dilayo.
Mustaqbal
Madaxweynaha Dowladda Soomaaliya, Xasan Sheekh Maxamuud ayaa u soo safray magaalada Muqdisho, ka dib safar…
Wasiirka Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya, Cabdisalaam Cali ayaa maanta…
Wasiirka Gaashaandhigga XFS, Axmed Macallin Fiqi ayaa sheegay in dowladda ku dadaaleyso sidii ay isugu…
Ciidanka Midowga Afrika ee AUSSOM ayaa howlgal miino baaris ah ka sameeyay waddada isku xirta…
Xildhibaanno katirsan Baarlamaanka Federaalka Soomaaliya ayaa codsaday in loo sameeyo adeeg caafimaad iyo daryeelka ay…
Booliiska Amxaarada ayaa ku guullaystay soo qabashada dhallinyaro tahriibayaal ah oo ka kala safray Magaalooyinka…