Maamulka deegaanka Kaxandhaale oo beeniyey in dagaal ka dhacay deegaanka

Maamulka deegaanka Kaxandhaale ee Gobolka Galgaduud ayaa beeniyey wararka sheegaya halkaas uu ka dhacay dagaal u dhexeeya labo maleeshiyo Beeleed oo halkaa wada daga.

Maadow Mxamed warsame Gudoomiye ku xigeenka deegaanka Kaxandhaale ee dhaca xuduudka Gobolka  Galgaduud la wadaago Itoobiya ayaa waxkama jiraan ku tilmaamay wararka sheegaya in halkaas dagaal ka dhacay,hadalka guddoomiye ku xigeenka ayaa yimid ka dib markii warbaahinta qaar ay qoreen in saaka dagaal u dhexeeya labo maleeshiya beeleed ka dhacay deegaanka Kaxandhaale.

Waxa uu sheegay in ay jiraan dad warbaahinta ku qoraya warar aan jirin hadana deegaanku daganyahay ciidamada Amniguna ay gacanta ku hayaan.

Guddoomiye ku xigeenka ayaa yiri ”waxba dhibaataa oo kama jira malahan waa nabad galyo abnigu dad deegaanka qalqalka wada ayaa Wabsaydaya qora warkaan ”.

Deegaanka Kaxandhaale waxa dhowr jeer oo hore ku dagaalamay labo maleeshiyo beeleed oo halkaa wada daga.