Liverpool Oo Guul ay ku rafaaday ka gaartay Leicester City.

Kooxda Liverpool ayaa guul dirqi ah ka gaadhay kooxda Leicester city kulan ka dhacay garoonka King Power Staduim kana tirsanaa horyaalka premier League todobaadkiisii 4-aad.

Reds ayaa si dar-dar leh ku bilaabatay ciyaarta iyaga oo uu Mohamed salah ka khasaariyay gool furan kadib markii uu goolhayaa Leicester city iska tuuray kubad uu Firmino ku laagay.

Liverpool ayaa daqiiqadii 10-aad dhalisay goolka 1-aad iyaga oo uu u dhaliyay xiddiga Sadio Mane kaas oo hogaanka u dhiibay kooxda Liverpool kulankana ka dhigay 1/0.

Kooxda Leciester city ayaa maamulka kulanka la wareegtay iyaga oo qaadayay weeraro rogaal celis ah oo ay doonayeen in ay ku dhaliyaan goolka bar-baraha halka ay Liverpool dhankeeda qaadaysay weeraro laakiin u suurgali wayday in ay shabaqa soo taabato.

Liverpool daqiiadii 45-aad sii dheeraystay hogaanka iyaga oo uu gool u dhaliyay xiddiga Roberto Firmino kaas oo ciyaarta ka dhigay 2/0 ay kooxda Liverpool hogaanka ku hayso.

Waxa sidaas ku dhamaatay qaybtii hore ee ciyaarta oo ay Kooxda Liverpool dhanka natiijada ku horayso laakiin aan soo bandhigin qaab ciyaareedkii laga filayay.

Qaybtii dambe ee ciyaarta ayay Leicester city si dar-dar leh ku bilaabatay ciyaarta iyaga oo qaadayay weeraro waali ah oo ay ku doonayeen in ay ciyaarta ugu soo laabtaan.

Leicester city ayaa daqiiqadii 63-aad dhalisay goolka 1-aad iyaga oo uu u dhaliyay xiddiga Rachid Ghezzal kaas oo ka faa,iidaystay khalad uu sameeyay goolhaye Alisson.

Kooxda Leicester city ayaa sii waday raadinta goolka bar-baraha iyaga oo wax walba u sameeyay sidii ay u dhalin lahaayeen laakiin waxa u suurtagali waday in ay shabaqa soo taabtaan.

Waxa sidaas ku dhamaatay ciyaar ay kooxda Liverpool mar kale si dirqi ah ku badisay sidaasna ku gaadhay guusheedii 4-aad oo xiriir ah.