Laba qof oo ku geeriyooday isu soobax ka qabsoomay magaalada Caabudwaaq

Ugu yaraan laba qof oo rayid ah ayaa ku geeriyooday magaalada Caabudwaaq ee gobolka Galgaduud, ka dib markii ciidamada ilaalada u ah Musharax Madaxweynaha Galmudug, Liibaan Axmed, ay rasaas ku fureen dad shacab ah.

Dhacdadan ayaa timid xilli magaalada uu ka socday isu-soobax lagu soo dhoweynayay Musharaxa oo booqasho ku jooga magaalada.

Sida ay xaqiijiyeen ilo xog-ogaal ah, rabshadda ayaa bilaabatay ka dib markii qaar ka mid ah dhalinyaradii ka qeyb galaysay isu-soobaxa ay sameeyeen foodo iyo buuq, taas oo keentay in ciidanka ilaaladu ay rasaas toos ah u adeegsadaan dadkii goobta ku sugnaa.

Wararka ayaa intaas ku daraya in rasaasta ay sababtay dhimashada labadaas qof, iyadoo dad kale oo shacab ahna ay ku dhaawacmeen.

Xaaladda magaalada Caabudwaaq ayaa hadda, mana jiraan weli wax hadal ah oo ka soo baxay dhanka Musharax Liibaan Axmed ama maamulka degmada oo ku saabsan khasaaraha ka dhashay falkan.

Mustaqbal