Madaxweynaha Dowlad Goboleedka Koofur Galbeed, Cabdicasiis Xasan Maxamed (Laftagareen), ayaa maanta guddoomiyey shirka Golaha Amniga ee Koonfur Galbeed, kaas oo diiradda lagu saaray adkeynta ammaanka iyo dardar-gelinta howlaha lagula dagaalamayo Al-Shabaab.
Shirka oo ka dhacay xarunta Madaxtooyada magaalada Baydhabo ayaa waxaa ka qayb-galay Wasiirrada Amniga iyo Arrimaha Gudaha, Agaasimaha Madaxtooyada, Taliyeyaasha Ciidanka, iyo saraakiil ka tirsan Howlgalka AUSSOM.
Mas’uuliyiintu waxay si qoto dheer uga doodeen xaaladda amniga guud ee deegaannada Koonfur Galbeed, qorshayaasha horumarineed, iyo sidii loo xoojin lahaa wada-shaqeynta hay’adaha amniga.
Madaxweyne Laftagareen ayaa ku dhawaaqay in Koofur Galbeed ay qaadayso dagaal cusub oo ka dhan ah Al-Shabaab, isaga oo ku boorriyey hay’adaha amniga inay kordhiyaan feejignaanta, lana shaqeeyaan bulshada si loo xaqiijiyo xasillooni waarta.
Wuxuu mahadcelin u diray ciidamada qalabka sida ee howlgalada qorsheysan ka wada gobollada Baay, Bakool iyo Shabeellaha Hoose, kuwaas oo uu ku tilmaamay laf-dhabarta sugidda amniga gobolka.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…