Andreas Christensen oo ka hadlay Xirirka kala dhaxeeyo Sari.

Daafaca da’da yar ee kooxda Chelsea ayaa ka warbixiyay sida uu yahay xirirka kala dhaxeeyo Tababaraha cusub ee Chelsea Sari.

Christensen ayaan wax kulan ah oo horyaalka Premier League ah kasoo muuqan kooxda reer London ee Chelsea xili ciyaareedkan, balse wuxuu ciyaaray 4 kulan UEFA Europa League iyo 2 kulan ee ah Carabao Cup.

Laacibka reer Denmark ayaa wareysi uu siiyay wargeyska “Mirror” wuxuu kaga hadlay xirirka ka dhaxeeyo isaga iyo Tababare Sari wuxuuna yiri”

“Waxaa jira farqi u dhexeeya xiligan iyo xilli ciyaareedkii lasoo dhaafay, waxaan ciyaaray kulamo badan, laakiin xili ciyaareedkan lama mid ahan kii hore, waa wax aad ugu adag ciyaaryahanka, balse waan arki doonaa waxa dhaca”.

“Waa su’aal adag, hadii aad weydiisato ciyaaryahan aan ciyaarin, wuxuu noqonayaa mid aanan faraxsaneen, qof kastaa wuxuu doonayaa inuu ciyaaro, laakiin waan ka war qabaa inay muhiim tahay in aan tababar adag sameeyo, si aan u helo fursad”.

“Waa inaan si fiican u shaqeeyo si aan u tuso macalinka in uu ku kalsoonaan karo awoodeyda ciyaareed, ma ahan inaad fadhido isla markaana aad sugto fursada aad ku ciyaari lahayd oo kaliya, taas ayaana ah sababta aan u ciyaareyno kubada cagta” ayuu yiri xidiga.