Xoghayaha guud ee Qaramada Midoobay, Antonio Guterres oo tagay Suuriya

Xoghayaha guud ee Qaramada Midoobay, Antonio Guterres ayaa maanta booqasho rasmi ah ku tagay Dalka Suuriya, waxaana soo dhaweyn u sameeyay Mas’uuliyiin katirsan Xukuumadda Dimishiq iyada oo ammaanka sare loo adkeeyay.

Waxaa Xoghaye Antonio Guterres lagu wadaa in uu la kulmo Madaxweynaha Jamhuuriyadda Suuriya Axmed Al-Sharca si ay uga wadahadlaan xaaladaha bani aadamnimo ee dalkaas iyo garab istaagga Qaramada Midoobay sida xogaha la helayo ay sheegayaan.

Sanadkii 2017kii ayaa ugu dambaysay in uu tago dalkaas Suuriya ee soo maray colaadaha sokeeye iyo kuwa dalalka kala duwan ku dhexmartay dalkaan oo dhibaatooyin bani aadamnimo wajahay sanadihii lasoo dhaafay.

“Waxa aan soo gaaray Dimishiq si aan u sameeyo booqasho muujinaysa garab istaagga iyo taageerista Suuriya, Qaramada Midoobay waxa ay dhinac taagan tahay Suuriya, Beesha Caalamka waxa aan ugu baaqayaa in sidaas oo kale u garab istaagto dedaallada socda” Sidaasi waxaa yiri Xoghayaha guud ee QM, Antonio Guterres.

Qaramada Midoobay ayaa doonaysa in ay sal adkeyso xiriirka ay la wadaagto Suuriya iyada oo laga faa’iidaysanayo fursadaha muuqda ee ka dhashay isbaddelka cusub uu dalkaas galay December sannadkii 2024.

Mustaqbal