Wararkii u dambeeyay Xaaladda degmada Buurhakaba ee gobolka Baay?

Xaaladda magaalada Buurhakaba ee gobolka Baay ayaa maanta kacsan, ka dib markii halkaasi ay weerar ku qaadeen Askar taabacsan Hoggaamiyahii hore ee Koofur Galbed, Cabdicasiis Xasan Maxamed Laftagareen oo ay dowladda Federaalka saartay cunaqabateyn.

Rasaas ayaa laga maqlay gudaha magaalada, halkaas oo ay qeybo kamid ah ku sugan yihiin Ciidamada Milateriga Soomaaliya iyo kuwa Daraawiishta maamulka Koonfur Galbeed.

Wararkii u dambeeyay ee naga soo gaaraya magaalada ayaa sheegaya in Goobaha Ganacsiga ee ay xiran yihiin, isla markaasna uu hakad galay isku socodka dadweynaha iyo gaadiidka.

Buurhakaba ayaa ku taalla gobolka Baay, waxaana ay qiyaastii 60 KM u jirtaa magaalada Baydhabo, oo ah xarunta ku-meel-gaarka ah ee maamulka Koonfur Galbeed.

Ilaa hadda ma jiraan faahfaahin rasmi ah oo laga helay khasaaraha nafeed iyo midka hantiyadeed ee ka dhashay dagaalka.

Askartan taabacsan Laftagareen ayaa tan iyo bishii March ee sannadkan weeraro ku haya magaalooyinka dowlad goboleedka Koofur Galbeed, iyadoo lagu daray Liiska Argagixsada, ka dib markii Dowladda sheegtay in ay xiriir toos ah la leeyihiin AS, wallow ay dhinaca go’aankaasi beeniyeen.