Dowladda Turkiga ayaa markii ugu horreysay si rasmi ah u soo bandhigtay taangiyada casriga ah ee Altay, kuwaas oo lagu wareejin doono Ciidanka Qalabka Sida ee Turkiga oo ah xubin ka ah gaashaanbuurta NATO.
Munaasabadda lagu soo bandhigayo taangiyada Altay ayaa lagu qaban doona caasimadda Ankara, waxaana ka soo qaybgalaya Madaxweynaha Turkiga Recep Tayyip Erdoğan, kaas oo sidoo kale rasmiya u furay xarunta warshadeynta hubka casriga ah ee Turkiga.
Madaxweyne Erdoğan ayaa hore u sheegay in dalkiisa gaari doono Madaxbanaani hubka iyo tignoolajiyadda casriga.
Taangiga Altay, oo loogu magac daray Fahrettin Altay taliyihii 5aad ee Ciidanka Fardaha Turkiga ee qabsaday magaalada Izmir, xilligii ay socdeen dagaallada Xornimo doonka.
Taangiga Altay waxaa si buuxda u horumariyay injineerro Turki ah, waxaa lagu qalabeeyay tignoolajiyo sare, nidaamyo difaac iyo awood xoog leh, taas oo ka dhigaysa mid la tartami kara taangiyada ugu awoodda badan ee difaaca caalamka.
Turkiga ayaa sanadihii la soo dhaafay waday sare u qaadida awooddiisa dhinaca difaaca, wuxuuna hore u soo kordhiyay diyaaradaha aan duuliyaha laheyn ee Bayrakdar iyo agab kale oo casri ah.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…