Madaxweynaha Maraykanka Donald Trump ayaa ka hadlay sida Soomaalida ku nool dalkiisa gaar ahaan Gobolka Minnesota ay u qabsadeen Gobolkaas, waxaana uu ku hanjabay in uu qaadayo tallaabo ka dhan ah.
Trump ayaa si aan ka gambasho lahayn u sheegay in uu kala saari doonno hantida ay leedahay Soomaalida ku nool Gobolka Minnesota, isaga oo tilmaamay in qofka aan lahayn hanti nadiif ah uu masaafurin doonno sida uu ku goodiyay.
“Boqollaal kun oo qaxooti ah oo ka yimid Soomaaliya ayaa si buuxda u qabsaday gobolka Minnesota oo mar ahaa mid weyn,” ayuu yiri Madaxweynaha Maraykanka Donald Trump oo ka hadlay Soomaalida ku nool dalkiisa.
Tallaabada xigta ayuu ku sifeeyay in ay noqon doonto joojinta socdaalka dalal uu ugu yeeray Jiilka Saddexaad isaga oo ula jeeda dalalka soo koraya ama saboolka ah oo inta badan loo adeegsado ereygaas.
“Waxa aan si joogto ah u joojin doonnaa socdaalka ka imanaya dhammaan wadamada saddexaad si nidaamka Mareykanka uu si buuxda ugu soo kabto,” ayuu ku qoray Trump barihiisa bulshada” ayuu hadalkiisa sii raaciyay MW Donald Trump.
Hadallada adag ee Madaxweynaha Maraykanka Donald Trump uu u adeegsanayo Soomaalida ku nool dalkiisa ayaa kordhay maalmihii lasoo dhaafay, todobaadkii hore waxaa Minnesota ka dhacay dibadbax ka dhan ah go’aamada cusub ee Trump.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…