Soomaaliya iyo Masar oo ka wada hadlay fulinta heshiisyadii ay hore u wada saxiixdeen

Wasiirka Arrimaha Dibadda Soomaaliya, Cabdisalaam Cali Dhaay ayaa kulan gaar ah la yeeshay Wafdi sare oo ka socday Dowladda Masar, kuwaasi oo uu hoggaaminayo Kaaliyaha Wasiirka Arrimaha Dibadda ee J ee dalka Masar u qaabilsan Arrimaha Afrika Maxamed Kariim Fu’aad Shariif.

Kulanka ayaa diiradda lagu saaray xoojinta xiriirka laba dowladood ee la xiriira dhinacyada Amniga, Difaaca iyo Waxbarashada.

Mas’uuliyiinta labada dhinac ayaa carabka ku adkeeyay sida ay uga go’an tahay sii xoojinta xiriirka walaaltinimo ee soo jireenka ah iyo iskaashiga istaraatiijiga ah ee ka dhexeeya Dowladdaha Soomaaliya iyo Masar.

Sidoo kale, labada wadan ayaa isku afgartay in ay fuliyaan heshiisyada ay hore u wada saxiixdeen, kuwaasi oo la xiriira dhinacyada Amniga, Difaaca iyo Waxbarashada.

Mustaqbal