Wasiir ku-xigeenka Arrimaha Dibadda dalka Japan, Mr. OnishiI Yohei, ayaa kulan gaar ah la yeelatay Safiirka Soomaaliya ee dalalka Shiinaha iyo Japan, Danjire Dr. Hodan Cismaan Cabdi.
Kulankan ayaa looga wada hadlay xiriirka Soomaaliya iyo Japan gaar ahaan dhinacyada Amniga, dhaqaalaha iyo arrimaha Bulshada.
Wasiirka ayaa hoosta ka xariiqay in Soomaaliya ay ku taal goob istiraatiiji ah oo ah isgoyska masiiriga ah ee marinnada ganacsiga badda ee isku xira Yurub, Aasiya, iyo Afrika.
Waxa uu xusay in Soomaaliya ay kamid tahay dalalka hirgaliyay hab raaca isku xirka Indo-Pacific si loo horumariyo dhaqaalaha.
Dhankeeda, Safiirka ayaa carrabka ku adkaysay in dowladda Soomaaliya ay mudnaan gaar ah siiso xiriirka kala dhexeeya Japan, iyadoo muujisay rabitaankeeda ku aaddan in la sii ballaariyo iskaashiga labada dal iyo in la xoojiyo mashaariicda horumarineed ee Japan ay ka fuliso Soomaaliya.
Ugu dambeyn, labada dhinac ayaa isku af-gartay inay sii wadaan wadashaqaynta dhow si loo xoojiyo xiriirka laba-geesoodka ah iyo iskaashiga fagaarayaasha caalamiga ah ee lagu horumarinayo nabadda.
Mustaqbal
Taliyaha Guud ee Ciidamada Difaaca Uganda, Jeneraal Muhoozi Kainerugaba, ayaa ku baaqay in Ciidamada Howlgalka…
Wakaaladda Deegaanka ee dalka Ingiriiska ayaa si rasmi ah ugu dhawaaqday abaar ka jirta qeybo…
Guddiga Doorashooyinka Qaranka iyo Soohdimaha ayaa shaaciyay in maanta si rasmi ah ay uga bilaabatay…
Maamulka Dowlad Goboleedka Galmudug ayaa ku dhowaaqay bandow guud oo lagu soo rogay dhammaan magaalooyinka…
Booliska dalka Kenya ayaa xaqiijiyay in ugu yaraan shan askari oo ka tirsan ciidamada amniga…
Dowladda Federaalka Soomaaliya ayaa cambaaraysay weerarka Israa’iil ay ku qaadday Masjidka Barakaysan ee Al-Aqsa, waxa…