Qoysas badan oo Soomaali ah oo ku nool gobolka Minnesota ee dalka Mareykanka ayaa sheegay inay dareemeen saameynta hadallada naceybka iyo takoorka leh ee ka soo yeeray Madaxweyne Donald Trump, kaas oo maalmihii la soo dhaafay si cad u sheegay inuusan dalkiisa u dooneyn Soomaalida.
Qaar ka mid ah waalidiinta iyo dhalinyarada Soomaaliyeed ayaa sheegay in la kulmeen aflagaado iyo cay ka dhan ah asalkooda iyo diintooda.
Waxaa sidoo kale hoos u dhacay dadka Soomaalida ah isugu jimaada goobaha bulshada sida makhaayadaha, iyadoo dadka ka fogaanayaan takoorka iyo naceybka laga faafiyay.
Jaylani Hussein, agaasimaha Golaha xiriirka muslimiinta Mareykanka oo loo soo gaabiyo CAIR ayaa u sheegay wargeyska The New Arab in dadkii qabay cunsuriyadda Soomaalida ay ka shidaal qaateen hadallada Naceybka ee Trump.
Sidoo kale, Agaasime Jeylaani ayaa caddeeyay in ay diyaariyeen warqado iyo wacyigilin laga bilaabayo goobaha Waxbarashada ee gobolka iyo guud ahaan Mareykanka, kuwaasi oo lagu tilmaamaya in Soomaalida yihiin dad nabad oo aysan waxba ka jirin naceybka laga faafiyay.
Dhaqdhaqaaqyada ayaa ka dhashay hadallada adag ee ka soo yeeraya Madaxweyne Trump, kaasi oo ay is hayaan Xildhibannada Mareykanka ah ee dhalasho ahaan ka soo jeeda Soomaaliya ee Ilhaan Cumar.
Mustaqbal
Madaxweynaha Dowladda Federaalka Soomaaliya, Xasan Sheekh Maxamuud ayaa maanta furaya shirweynaha 1aad Badaha Soomaaliya oo…
Magaalada Zawiya ee qiyaastii 45ta Kiilo-mitir dhinaca Galbeed uga beegan Caasimadda Liibiya ee Tripoli waxaa…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa bogaadiyay tallaabooyinka Amni, Dib u dhis…
Mas’uuliyiin katirsan Dowladda Kenya ayaa laga soo xigtay in Xukuumadda Nairobi ay kordhinayso Ciidamada ammaanka…
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…